馬國明同黃智雯主演嘅台慶劇《降魔的》近排成為咗網上熱話，馬明、金剛同小儀呢段親情戲俾人讚，噚晚嗰集終於講到黃智雯成魔，兩人感情線都有啲睇頭。靈魂出竅嘅黃智雯，因為想見已經死咗嘅未婚夫，誤信一個叫Naomi嘅護士而被困鬼域，而馬明同胡鴻鈞就入咗鬼域救人。最後黃智雯醒番，表面上好似一切如常，但原來已經變咗魔。

鬼怪片喺大台一直缺乏捧場客，不過《降魔的》打動咗唔少人心，有人睇好馬明做視帝，馬明曾經接受傳媒訪問話，一直都以平常心去睇獎項，拎到獎當然開心，但係最希望仲係觀眾嘅口碑。

同樣被網民讚嘅黃智雯，噚日接受傳媒訪問亦都話：「我自己都好鍾意呢幾集戲，好多人見到我都問我點解變魔，你問我梗係覺得開心，每個角色都有唔同嘅感動位，我自己睇劇本嗰陣，都俾啲情節感動，因為講緊好多唔同嘅情，亦都有好多message帶俾大家，好似叫我哋要珍惜眼前人，但係又要學點樣去放低，所以我相信可以感動觀眾。」

講到最鍾意嘅一場戲，佢就話：「我好鍾意嗰場去鬼域戲，因為係講我放唔低死咗嘅未婚夫，但係因為馬明去咗鬼域，令我釋懷咗事。」結局有篇有一場人魔大戰，佢話：「呢場大戰係因為芷若變咗魔，當我成『魔』之後，有好多動作場面，為咗效果差唔多日日都要吊威吔，試過半夜三更去森林吊威也到天光。」至於同馬明嘅關係，佢話：「呢啲會留啲空間俾大家去諗！」

(網上截圖)噚日嗰集講到馬明同胡鴻鈞入鬼域救黃智雯。（電視圖片）感情線開動，錫咗下。（電視圖片）
預告話擺明你聽佢會變魔。（電視圖片）fb圖片fb圖片
會唔會同馬明一齊，黃智雯話時會有一個空日間俾大家諗！(網上截圖)(網上截圖)