Shine將於明年3月喺紅館開騷，90後對黃又南同徐天佑嘅集體回憶返晒嚟，加上又南最近傳出秘撻珠寶商太子女莊莎娜（Sarah），而且藝人嘅駕駛態度一向都係市民注目，就好似注目藝人周柏豪咁（相關新聞：http://bit.ly/2juEzur)
，日前又南駕駛戰車現身旺角山東街，就被讀者馮先生「爆相爆片」投訴：「黃又南爛仔上身，架車行行吓停咗喺度，所謂歌手喎！」
馮先生接受電話訪問表示：「嗰晚喺近麥花臣足球場，佢突然急停，又冇打死火燈，差少少就撞埋去，司機係我老竇，跟住我哋落車同佢講，當然情緒就乜啦...嘈啦，佢叉住腰起晒摃企喺度，有間舖頭老闆娘出嚟勸佢，佢架車有個20幾歲染金啡色頭髮女仔，都落車同老闆娘講咗幾句，之後黃先生上車開走。」問到又南有冇道歉？馮先生話：「一開始有講，只不過落車時叉晒腰起槓，咁佢道咗歉都接受囉。」
從讀者提供「爆片」，見到又南架車行行吓停低，聽到響按聲，有人大聲爆粗狂鬧又南：「X你老母，玩嘢，唔係咁㗎大佬，你話停就停，影X佢相，你做乜X嘢，X你老母XX，嗰條XX二打六明星，話停就停，幾乎隊埋佢，仆街！」
《蘋果》向又南了解，佢接受訪問表示：「其實好尷尬，嗰日我睇農夫演唱會，因為附近嗰間舖頭係朋友開，我打個招呼，架車停咗喺度，之後一個綠van司機，我喺架車入面已經聽到佢『乜乜我媽媽』，跟住我落車問：『點解你要話我媽媽呢？我媽媽做乜事得罪你呢？』」
之後音響舖友人勸交，跟住又南開車走：「始終公眾人物，我覺得冇需要argue，我諗係一個誤會，惟有硬食啦，冇計。我揸車好安全，冇理由無端端急停，都要顧及人哋安全，呢樣嘢我好清楚，如果係我唔啱，同佢say sorry冇所謂，但唔明佢點解要乜乜我媽媽！」
又南並否認同車女仔係緋聞女友Sarah：「車入面個女仔係助手，而我同Sarah識咗三年幾，佢係好tough嘅女仔，大家好好朋友，佢喺日本發展好，又係珠寶designer，我識少少日文，大家交流吓。」係咪追佢？又南話：「暫時冇諗呢樣嘢，講真嘅，唔係呃你，真係想做好演唱會，有冇發展空間，隨緣囉。」
 (讀者馮先生提供圖片) |  片中所見黃又南駕車沿山東街行駕。 |  見到又南架車未有打燈之下突然急。 |
 又南伸手表示歉意。 |  |  片段中聽到司機爆粗狂鬧，及後落車。 |
 |  司機示落車影相。 |
