46歲嘅袁詠儀（靚靚）於01年同張智霖喺美國註冊結婚後，06年就生咗囝囝「魔童」張慕童（Morton），靚靚做咗媽媽之後，除咗工作就不時湊住魔童，做賢妻良母。

眨下眼魔童已經11歲喇！日前，仲係魔童嘅生日O添，身為媽咪嘅靚靚又點可以冇表示，日前佢接完個魔童放學，特登叫司機送咗佢哋兩母子去銅鑼灣時代廣場，做咩？之唔係買禮物囉。

大個仔嘅魔童揀禮物絕對有say，喺舖頭入面，靚靚由阿仔魔童自己去揀玩具，全程都冇加意見，只係企喺後面望住，魔童畢竟都只係小朋友，一時間見到咁多玩具梗係心大心細，唔知揀乜好。

不過睇嚟佢鍾情《星球大戰》(Star War)嘅玩具，幾經辛苦終於揀好三樣玩具，揀完就畀晒靚靚埋單，靚靚攞住個仔嘅玩具去到收銀處向店員問咗一輪嘢後，好快就俾錢走人，魔童攞住袋玩具拖住媽咪手離開時，滿面笑容，睇嚟買到新玩具後，心情勁靚。


攝影：羅德光、朱志聰魔童喺11月生日，日前靚靚帶魔童買生日禮物。魔童都揀到心大心細。
睇嚟魔童鍾情《星戰》玩具。