ရန်ကုန်တိုင်းဒေသကြီး၊ လှိုင်မြို့နယ်၊ အမှတ်(၉)ရပ်ကွက် လှိုင်သီရိအိမ်ရာ တိုက်အမှတ်(၃)က တိုက်ခန်းတစ်ခန်းမှာ ပုပ်ပွနေတဲ့အလောင်း(၃)လောင်းကို နိုဝင်ဘာ(၁၅)ရက် ညပိုင်းကတွေ့ရှိခဲ့ရတယ်လို့ လှိုင်မြို့မရဲစခန်းက သိရပါတယ်။
အဲဒီတိုက်ခန်းကနေ အပုပ်နံ့တွေ ထွက်နေတယ်လို့ ဘေးပတ်ဝန်းကျင်ရဲ့ အကြောင်းကြားချက်အရ စခန်းတာဝန်ရှိသူတွေနဲ့ ရပ်ကွက်အုပ်ချုပ်ရေးမှူးတွေ သွားရောက်ကြည့်ရှုရာမှာ ပုပ်ပွနေတဲ့ အလောင်း(၃)လောင်းကို တွေ့ရတာဖြစ်တယ်လို့ လှိုင်မြို့မရဲစခန်းက တာဝန်ကျရဲအရာရှိ ဒုရဲအုပ်စိုးမော်က ပြောပါတယ်။
တွေ့ရှိရတဲ့ အလောင်း(၃)လောင်းမှာ အသက်(၄၅)နှစ်အရွယ် အမျိုးသမီးအလောင်းတစ်လောင်း၊ အခြားအမျိုးသမီးငယ်အလောင်းတစ်လောင်းနဲ့ ကိုးနှစ်အရွယ် ကလေးအလောင်းတစ်လောင်းဖြစ်ပြီး အလောင်းတွေကို စောင်တွေနဲ့အုပ်ထားတာကို တွေ့ ရှိရတယ်လို့ စစ်ဆေးမှုတွေအရသိရပါတယ်။
အဲဒီအမှုဖြစ်စဉ်နဲ့ပတ်သက်ပြီး လှိုင်မြို့မရဲစခန်းက စုံစမ်းစစ်ဆေးမှုတွေ ဆက်လက်ပြုလုပ်နေတယ်လို့ သိရပါတယ်။ ဒီသတင်းကို Central News Bureauက သီဟစိုးလွင်ကပေးပို့တာဖြစ်ပါတယ်။
Central News Bureau
