陳瀅(Jeannie)今日喺沙田出席「The North Face冬季系列」發佈會，陳瀅透露下月將會放長假兩個月，返溫哥華探屋企人，陳瀅話：「我最鍾意係聖誕節，每一年都好期待可以返加拿大放假，去滑雪，香港唔夠凍、唔夠浪漫。」
陳瀅話每年聖誕都會同家人好友過，感覺好溫馨，不過今年就要單身過，佢話：「好多人都催我拍拖，搞到我冇拖拍會覺得自己係咪有病？不過都享受同家人一齊。」講到兩年前陳瀅第一次去日本滑雪，佢就默認同賭王兒子何猷亨同遊，問到佢哋有冇機會復合？Jeannie話：「呢刻唔會。」但佢就直認間中有同猷亨約食飯，仲話兩個保持朋友關係會舒服啲。
而講到猷亨細佬猷君被指戀上內地名模奚夢瑤，陳瀅就話冇留意，問到何家公子都有鍾意模特兒偏好，陳瀅就笑話：「我係演員嚟嘅。」
| (攝影：陳慧安) |  陳瀅話每年聖誕都會同家人好友過 |  |
 陳瀅透露下月將會放長假兩個月 |  |  |
