鄺美雲今日喺會展出席「香港珠海社團總會會慶及第四屆執行理事會就職典禮」，並獲委任為新一屆會長，佢話：「我本身係珠海人，我要令會員更團結更凝聚，有個共識為香港、為祖國、為家鄉服務奉獻，加上港珠澳大橋好快就通車，係一個新嘅機遇，我哋希望做好一個橋樑，為香港珠海兩地共創更好嘅商機。」
會唔會將自己嘅珠寶生意搬去珠海發展，鄺美雲話：「都可以諗下，但呢個係長遠嘅計劃，我比較有興趣做教育、文化項目。」會唔會興建學校？佢表示一直都有助學嘅工作。
對於本月23日推出發燒碟，鄺美雲透露宣傳工作交由唱片公司負責：「近排我有好多活動，所以我同唱片公司講，我可以做電台訪問或者出席活動，但表演就暫時唔得，因為如果要唱歌係要養聲。」
