一直以組合「農夫」形式發展嘅陸永同C君，上周四(9號)開始一連6日喺旺角麥花臣場館開騷，近年佢哋兩個轉型去咗電視發展，估唔到又俾佢哋闖出名堂，而且仲發展順利，成日孖住嘟姐做節目！

工作發展順利，感情生活亦都好美滿，好似C君同港台任職DJ嘅女友黃天頤成日俾人影到行街街，陸永更加唔使多講，佢喺11年同陳莉娜（Reina）奉女成婚，之後生咗兩個可愛囡囡Hannah同Simsim，過住幸福嘅家庭生活，老婆Reina因為爸爸爸欠債受滋擾而發聲明清界線，陸永亦出嚟撐老婆，話佢哋已經幫到盡，逼於無奈先咁做！(新聞連結：http://bit.ly/2hiEFB3)

出咗名係愛妻號嘅陸永，喺開騷之前，夜晚近7點嘅時候，佢一個人身銅鑼灣嘅時代廣場，嗰陣企喺露天廣場喺度睇表演，差唔多睇咗15分鐘，佢離開時代廣場，一個人漫無目的咁喺條街行嚟行去，之後再行多10分鐘，陸永去到一座商業大廈嘅門口。

嗰陣陸永企咗喺度玩電話，過咗冇耐，終於解開疑團！原來陸永專登去接老婆放工，老婆見到有人接放工， 梗係露出甜笑，仲喺條街同打情罵俏，真係羨煞傍人！之後佢哋手拖手向世貿方向進發，其間都有途人認得陸永，佢都有好NICE咁笑笑口，之後去咗一間日本餐廳撐枱腳！


攝影：梁繼光陸永一個人喺條等邊個呢？
原來係同老婆去拍拖！去咗食日本嘢！
佢哋成日喺網上放閃！(IG圖片)(IG圖片)