李佳芯(Ali)今日到將軍澳出席「東港城 x miffy與你雪地迎聖誕」活動，Ali早前接受子宮囊腫切除手術，o依家仲係喺休息階段，但係佢今日繼續着高踭鞋現身，Ail話身體已康復：「其實醫生冇話唔可以着高踭鞋，之前着斗零踭真係好攰，所以都要着返厚底鞋。」
提到有份演出嘅《誇》劇，佢就話今次同陳豪、張繼聰同森美都好多激情場面，佢笑話：「一出場就叫陳豪除衫同摸佢，都有床戲呀！有SM㗎，睇我個樣就知我一定係S，主動嗰個，仲有會SM胡鴻鈞，佢係絕對嘅M，好好笑。」同三個大隻仔有好多對手戲，唔知會唔會叫男友陳炳銓都練大隻？佢話：「工作上都摸慣，不外如是啫，不過都摸上癮。身邊朋友有自己選擇同個性，唔會逼佢。」
 李佳芯話喺《誇世代》裏面，同陳豪、張繼聰同森美都好激情場面。 |  攝影：陳俊強 |  |
 龔嘉欣同李佳芯今日去東港城出席活動。 |
