金高恩曾經喺大陸生活過10年

韓劇《鬼怪》女星金高恩近日接受時尚雜誌香港版《Marie Claire》嘅訪問，喺採訪中金高恩曾提及自己因為喺大陸生活過10年，所以能夠講流利嘅普通話，佢透露當時住喺北京，屋企附近唔算好繁華，前面有一大片湖，仲可以騎馬，金高恩坦言個段時期對自己來講有好特別嘅經歷，對自己嘅演技亦都好大幫助。

對於遇到《鬼怪》呢齣劇集，金高恩就話既感謝又幸福，比佢預期中獲得更多觀眾嘅喜愛。而劇中令佢印象深刻嘅場景，就係同角色死後輪迴再同孔劉喺加拿大相遇嘅場景，佢話呢場戲拍攝時壓力好大，所以令佢好深刻。