မန္တလေးတိုင်းဒေသကြီး၊ ငါန်းဇွန်မြို့နယ်၊ ကိုးတောင်ပြည့်အရိုးအိုး ငါးမျက်နှာစေတီတော်မှ ဘုရားဆင်းတုတော် ခိုးယူသူ ညီအစ်ကိုနှစ်ဦးအား နိုဝင်ဘာလ ၅ ရက်နေ့ နံနက် ၆ နာရီ ၃၀ မိနစ်အချိန်ခန့် က ဖမ်းဆီးအရေးယူထားကြောင်း သိရပါသည်။
ကုန်းသာကျေးရွာအုပ်ချုပ်ရေးမှူး ဦးကျော်နိုင်စိုး(၄၀)နှစ်သည် နေအိမ်၌ရှိနေစဉ် ရွာနောက်ပိုင်းတွင်နေထိုင်သည့် ဆန်းဦး(၄၅)နှစ်နှင့် ဆန်းထူး(၄၃)နှစ်တို့ ညီအစ်ကို(၂)ဦးသည် ဘုရားဆင်းတု တော်များအား ၎င်းတို့နေအိမ်သို့ ခိုးယူသယ်ဆောင်သွားကြောင်း သတင်းအရ သွားရောက် ကြည့်ရှုရာမှ ဖမ်းဆီးမိခြင်းဖြစ်သည်။
အဆိုပါ ညီအစ် ၂ ဦးနေထိုင်သည့် နေအိမ်နွားစာတဲအတွင်းမှ ဉာဏ်တော် ၁ ပေ ၂ လက်မရှိ စကျင်ကျောက် ဆင်းတု တော်(၁)ဆူနှင့် ဉာဏ်တော် ၁ ပေ ၁ လက်မရှိ စကျင်ကျောက်ဆင်းတုတော်(၁)ဆူတို့အား တွေ့ရှိသဖြင့် မေးမြန်းရာ ရွာအရှေ့ဘက်ရှိ ကိုးတောင်ပြည့်အရိုးအိုး ငါးမျက်နှာစေတီတော်မှ ခိုးယူ လာခြင်းဖြစ်ကြောင်း သိရှိရသည်။
ကျေးရွာအုပ်ချုပ်ရေးမှူးမှ အရေးယူပေးရန် တိုင်တန်းချက်အရ ဆန်းဦးနှင့် ဆန်းထူး တို့(၂) ဦးအား မြို့သာနယ်မြေရဲစခန်း(ပ)၃၄/၂၀၁၇၊ ရာဇသတ်ကြီးပုဒ်မ ၃၇၉/၂၉၅ ဖြင့် အမှုဖွင့်အရေးယူ ထားကြောင်းမြန်မာနိုင်ငံ ရဲတပ်ဖွဲ့၏ သတင်းထုတ်ပြန်ချက်အရ သိရပါသည်။
သစ်ထူးလွင်
