韓國神劇《太陽的後裔》嘅男星宋仲基同宋慧喬已於上周二結婚，兩人升呢做人妻人夫，而上周四雙宋仲起程出發去西班牙度蜜月，享受二人世界，連日來都被人捕獲喺當地行街，而喬妹噚日仲上載咗單人照，當中佢仲嘟嘴送吻畀為佢拍照嘅宋仲基，婚後大方放閃。
而照片中可見雙宋喺台地撐枱腳，而枱上可見三隻酒杯，不過其中兩隻酒杯就空空如也，而另一隻靠近宋仲基嘅酒杯就應該裝咗白酒。由於一直盛傳喬妹懷孕，加上喬妹近日嘅照片都被發現肚凸凸，疑似有咗，有網民又變身柯南，話睇到喬妹噚日上載嘅新相，就更加確定喬妹已經有咗。
事關喬妹一向愛飲紅酒，好友金喜善受訪時曾經指同喬妹變成好友，係因為大家都鍾意飲紅酒，而喬妹去旅行時亦有去酒莊試紅酒，不過噚日上載嘅新相，枱上就只得宋仲基前面有一杯白酒嘅物體，而喬妹面前就唔見有任何飲料，所以網民就猜測喬妹可能因為懷有身孕關係，即使享受緊燭光晚餐，喬妹都滴酒不治。而其他網民就指可能因為喬妹剛剛飲完酒關係，個杯先乜都冇，未必真係陀B而戒酒。
另外，網上亦流傳雙宋上周二婚禮嘅菜單，當中可見呢場世紀婚禮，食物唔算十分豪華名貴，貫徹雙宋簡單低調性格。而菜單以韓文及中文寫菜式，並用英文寫上紅酒名字。當中食物包括時蔬美味前菜、上湯燉珍菇湯、一品海蔘、豆豉牛柳甫、心心相印囍麵及柿子龍眼西米露，紅酒方面為Kressmann Margaux Grande Reserve，喺網上如購買一支2014年份嘅紅酒，大約200蚊港元就可以。
雙宋婚禮嘅菜單同香港婚宴好唔同，唔算好多嘢食，最名貴好似只係得一品海蔘，唔似港式就鮑參翅肚都有齊，不過可能因為喺五星級酒店進行，所以品質可能又唔同啲。根據韓媒報道，當日婚宴每人索價約20萬韓圜至30萬韓圜（約1,400港元至2,100元港元）。
 |  網民話喬妹面前唔見有飲緊酒 |  雙宋已於上周二結婚 |
 金喜善(中)曾指因為同喬妹(右)一樣愛飲酒而成為好友 |  網上流傳當日婚禮嘅菜單 |  菜單好簡單 |
