的而且確
大家都係打工仔
有汗出冇糧出
邊有可能接受得倒???
仲要報埋警 警察都幫唔倒自己收番d錢 稍為有d良心 都會覺得APRIL好可憐
所以我好想了解多d 睇下有冇機會幫倒佢 可能係share出去 可能係介紹朋友用佢(彈生意俾佢)
但係當我愈睇愈多 我發現呢個APRIL似乎唔係佢講到咁楚楚可憐 甚至覺得自己有d俾佢呃左
作為一個路人甲 有幾點我希望帶出泥大家思考下
1. 根據化妝師原文, 佢係有收倒尾數的, 佢收小既只係$1300 2.5小時既ot錢 (時薪$520, 你冇睇錯), 佢一大段文字 相當有誤導性, 冇錯, 我一開始真係以為佢收唔足, 追左好耐, 再係comment度睇佢自己講佢收$10888 15hrs (時薪$725.8666) 係咪真係有汗出冇糧出咁楚楚可憐?
2. 根據佢fb, 2015年12月27日既一個STATUS
"結算中，2015重有兩日bigday就完結，
非會員才能看廣告~
謝謝2015既客人們，一張張單都是支持鼓勵
人家去開Party,我就一大早回公司執飾物出妝，
人家未天光訓緊覺，我就飲緊咖啡化緊新娘，
人家放工回家看電視劇，我就試緊妝或者出妝相，
2016又是新開始，
單數倒數近百，謝謝你們，
我既夢想又近一小步"
如果一張單$10888, 100張單即係108萬8千8百, 佢一年搵成球, 同人計較果2.5hrs ot錢 會唔會太計較? 有d人或者話, 付出左收番回報好合理, 但我覺得, 人地如果已經俾左$10888+的士錢你, 而人地極度唔滿意你服務, 果$1300, 有冇必要嬲到要係人地大喜日子現場報警? 我真心覺得太小氣, 報警都算, 仲要網路公審人, 我係潛在客戶都一定走, 點知合作唔愉快你會唔會網路公審埋我?
3. 原文 "我收到 1.的士費上的 一個一個數給我的毫子"
我好好奇, 咁多位睇緊我呢段文字既朋友, 你地有幾多個去過飲, 而又會袋住一堆毫子去飲? 你去飲都唔會帶毫子, 更何況你去做兄弟或者姊妹, 你大喜日子更加唔會帶添啦!!! 咁問題泥啦, 你邊度泥毫子一個一個數俾個化妝師? 咁樣似玩自己多d !!! 我相當懷疑! 而個化妝師又講到勁誇張 好似人地袋住70幾蚊毫子數俾你咁
非會員才能看廣告~
4. 原文較前部分VS.較後部分
"由試妝，big day一見面,客人已是沒有水洗面，很多時不止是對我，只要不是拍攝中，全日都是一個洗面樣子眼珠在額頭，
全日講野都係冇尾音既命令態度，全日未聽過佢對其他人講唔該。
有一幕，我在準備用具，佢拖著裙擺，大聲瞪大眼睛呼喝我＂你係咪唔識得過黎幫我一下！！＂
各位，是態度，明白嗎？
我沈默，幫她把裙拉一拉方便佢行走，心中覺得佢思想小朋友，可能唔識表達禮貌。
早上姊妹化妝師一早已經比佢開口問候"你知唔知自己做緊乜野？你自己化緊邊個都唔清楚嘅咩，不知所謂＂"
VS.
"而當日表面亦冇起衝突，冇爭吵，一切都看似平靜，根本感覺唔到有異像，最後殺你一個措手不及。"
呢一點我諗我都唔洗點解釋, 大家識中文都睇得出佢前後矛盾到一個極點, 朝早已經爆曬獲, 只係冇開口嘈, 咁你講咩冇起衝突者, 人地唔滿意你都完完全全feel倒啦, 你自己都咁寫, 你自己都唔順超人地, 咁你仲講咩冇起衝突者? 定係拎曬刀劈先叫衝突? 人地d姊妹嬲到要係你仲做緊野玩手機既時候偷影你, 可想而知你已經犯曬眾憎, 人地俾面新娘唔出聲xyz, 驚你化衰曬, 就好似去食飯, 食客唔敢亂吹單一樣, 驚d廚師加料, 你明唔明? (係, 又係去食飯既比喻)
非會員才能看廣告~
5. 講到最後, 無論點都好, 你收左人地錢, 咁樣公審人, 係咪真係過份左小小? 講真, 睇你fb知你已經30歲, 你咁大個人, 有冇諗過咁樣會令到你將來既客仔驚左你而唔搵你, 到頭泥得不償失....人地就算真係有唔岩都好, 大喜日子, 咪讓下人囉, 都係1日者....將心比己, 如果你結婚, 你都想有個跟得化妝師, 隨時STANDBY, 唔洗打電話先叫得倒佢出現啦, 語氣差左小小, 你都想佢唔好同你太計較啦
最後最後, 你搵咁多錢, 我真心希望你有報稅, 如果唔係有人好心提醒稅局去查一查你, 我擔心你會有事
如果仲有番d良心既, 咩氣都出夠, DEL左個POST俾番d空間你前僱主啦
By 愛過太深 香港討論區
****************
網友睇完撐樓主：
——依家網路公審好恐怖，喺網上寫幾個字啲人就信曬，啲花生友未知來龍去脈就係咁小人，過多陣可能會發現係另一個故事
——
$10888
100張單即係108,880,0
非會員才能看廣告~
一年生意額係 $108,880,0 / 12個月即係每個月$90,740
計返office租金(應該好撚平)
每月日常開支
購買化妝品成本
化妝助手工資
我相信 化妝師一個月袋5皮左右
其實睇落好似幾好搵
——
講真,而家好多人聽完個個化妝師講既野,就即刻插,但從來唔見個個新人講返出黎
一隻手唔會響,我覺得個個化妝師有D野應該無講出黎,講真,唔會有人無緣無故唔比錢,應該有D野做得唔好佢又有問題先出呢個情況
當然,對新手自己又衰戇鳩,唔找清,你找清條數再公開都得,而家全港大部分人都認為你有問題
（完）
前故事：
2017年3月9
那一天讓我上了人生重要的一課，
做化妝8年了從未遇過 這種劣等人，
化妝師 全日18小時工作
那天完成所有工作的晚上，收尾數，
我遇上了說我工作有一半時間都坐係度，
非會員才能看廣告~
憑什麼要出埋另一半半訂既尾數比我既＂特別客人＂，
我沒有18小時都standby 在＂特別既客人＂身邊補妝，
除左轉妝，我就係要你18小時企係客人隔離Standby
呢個係最後兄弟說不付我錢既理由，
這個理由就像老闆叫你收工後坐著ot ，這段時間你都沒事做，憑什麼多收人工一樣，
在那一天我沒有午餐時間，我大可以轉妝後要求食飯，但我仍然選擇轉妝後跟客人外影，
外影時我有主動幫特別客人噴頭髮，擔心大風，妝容上不主張愈補愈厚，認識我既客人應該知道，
我喜歡保持皮膚最水油平衡嘅狀態，唔會一味係咁拍乾粉，
為補而補乾粉效果只會越補越乾，而唇膏是不脫色，
所以外影我在短時間不阻礙拍攝嘅時間下，我去take care 佢既髮型，
不付我錢是因爲兄弟說噴頭髮邊個唔識，
佢都可以做到，洗咩我來噴，最後成功把我既跟妝部分說成從沒有做足自身本份
我有做到的補妝部分，他們沒有提及，就像沒有發生過，
非會員才能看廣告~
是否適當補妝嘅一刻及補妝時間多少，是否拍攝中，
當下客人是否真的有補妝既需要，都影響著我補妝嘅密度，
補妝既次數沒有一個既定嘅準則次數，有需要才補很正常
唔正常在我只知道當下你做什麼都不會是對的
由試妝，big day一見面,客人已是沒有水洗面，很多時不止是對我，
只要不是拍攝中，全日都是一個洗面樣子眼珠在額頭，
全日講野都係冇尾音既命令態度，全日未聽過佢對其他人講唔該。
有一幕，我在準備用具，佢拖著裙擺，大聲瞪大眼睛呼喝我＂你係咪唔識得過黎幫我一下！！＂
各位，是態度，明白嗎？
我沈默，幫她把裙拉一拉方便佢行走，心中覺得佢思想小朋友，可能唔識表達禮貌。
早上姊妹化妝師一早已經比佢開口問候"你知唔知自己做緊乜野？你自己化緊邊個都唔清楚嘅咩，不知所謂＂
基本尊重，做人應該有既正確價值觀禮貌也沒有的人
挑剔嘅理由總有很多，但目標只有一個就是不付錢，賴皮，所有問題都覺得是係人哋嘅錯，將細微細眼既小事無限放大再變成人地既錯。
非會員才能看廣告~
一個沒有禮貌嘅人希望人哋會主動對佢有禮貌，Take Care 佢
一個心中自私嘅人，要求所有人無私咁當佢女王
打狗狗走，最後卻扮好奇點解打佢佢要走？？
最後我選擇報警但警察無權要佢去付錢，
警察走後，佢哋20多位男家女家既流氓親戚圍住我一個女仔，係咁侮辱，
語言嘅威力多厲害，你一句佢一句
聽到有人叫我＂賤人＂
＂做人點解我可以衰到咁⋯＂
＂人地結婚你攪到要報警，做人點解咁陰質＂
＂中意唔比錢咪唔比錢囉，小額錢債都冇用嘅，慢慢追啦你＂
我簡直覺得我自己火燒地鐵殺左人破壞左幾個人嘅家庭一樣 做咗不可挽回嘅錯
可笑現實只是我補妝密度唔係十五分鐘補一次，無站在攝影師前面,冇係第一排去standby 入鏡佢所有既相，令佢婚禮缺裂。
我平靜咁反問auntie我究竟對你個女做咗啲乜嘢？
唔明點解我要一個人企係度任由一堆黑社會流氓去鬧我，
最後得到嘅問答係我點解咁講野，這刻我既態度又出現問題，總之回到又是我問題的問題裡。
被鬧夠後，在一個無人既角落忍唔著聲淚俱下，
有一位兄弟模仿我的哭聲，
話我呃佢哋錢，唔唱我唔安樂，
我活著的是什麼世界，流氓野蠻瘋癲黑社會大灑，
當你未遇過果呢種人你係唔會相信世界上會有呢種生物
一等再等，00:30
我收到
1.的士費上的 一個一個數給我的毫子
2.尾數及簽名確定已收
3.小額錢債嘅檔案編號
4.一堆勝利侮辱嘅笑聲
最後仍然唔肯比既Ot 2.5小時 $1300 ,我當比乞依。
學到了，同行們 ，收了尾數才開工
原來報警是沒有用的，要知道一樣米養百樣人，適當的保障自己，總有人唔反轉都係屎。
睇返當日嘅作品，攝影師用佢電話幫佢影既相，
我相機既妝頭
化得佢真係好靚，髮型都係心機線條，
佢只係可以補妝度搵野黎講，盡力搵野挑剔
睇得出佢對當日造型滿意，因為佢有睇唔順眼佢都會開口講，
只要佢比足夠嘅時間我，
我都會幫佢執到最好，呢個係專業問題，
唔會因人而異！
而當日表面亦冇起衝突，冇爭吵，一切都看似平靜，根本感覺唔到有異像，最後殺你一個措手不及。
人心是一面鏡子，心若美麗，遇到的都會是美麗嘅事情
每一次經驗都學著成為更好的人，
不會人人都喜歡你，做好本份， 無虧自知。
婚禮行業既朋友仔，曾經發生了很多事，
留了很多淚，生了很多冤屈氣，
受了很多冤枉片面既流言蜚語，
怕極了人心及言語既傷害，慢慢地淺踏了你最初既熱誠
但我們現在不也是好好的嗎？
真的很感激那些一直支持著我們，包容理解我們的客人朋友們
共勉之（via Facebook
Akira Chan https://www.facebook.com/AkiraChan1990/posts/10206793474270282）
via http://ladies.discuss.com.hk/viewthread.php?tid=26503712
