嘉欣、張孝全、薛世恆、雷頌德夫婦、余安安、汪詩詩及汪圓圓等，噚日喺中環出席一間時裝店嘅開幕禮。

林嘉欣不停摸張孝全手臂，其後佢哋一齊接受訪問時，嘉欣話：「呢件品牌嘅質料好舒服，而且佢嗰件係羊皮好靚。」嘉欣話同張孝全從未合作過，只係喺頒獎禮上碰過面。

至於張孝全就承認嘉欣係佢心目中其中一種女神：「女神有不同種類，今天就一定是她，想跟嘉欣合作拍電影，愛情、動作、鬼片都可以，不過文片比較合適。」嘉欣笑言都是拍文戲較好，絕無理由拍《激戰》式嘅電影：「我好難想像自己有六嚿腹肌。」

不過講到床戲時，嘉欣就顯得有啲避忌話：「唔好亂講，唔係老公唔俾，好似同學友個套《暗色天堂》都可以。」嘉欣心目中嘅男神要高過自己，佢又欣賞孝全做事認真。張孝全對於會唔會好似嘉欣咁組織家庭，佢話一切順其自然，要嚟就嚟冇得計劃，並且強調目前單身。

（攝影：葉君海）張孝全同林嘉欣話從未合作過，好想一齊拍文戲。嘉欣讚張孝全件褸啲皮特別，起勢咁摸。
講到拍床戲，嘉欣有啲避忌。汪詩詩、汪圓圓
余安安雷頌德夫婦