版主虎仔喺日本玩過 300km/h 嘅極速過山車，速度好快令人嚇破膽；又試過細細個喺大陸玩室內暗黑過山車，著燈後落車先發現原來路軌附近有好多生鏽角鐵，如果雙手亂咁揈，隨時領嘢手都斷。不過講設計同造工馬虎，應該都不及呢部瑞士狂歡節花車巡遊嘅流動「過山車」。呢部過山車成個過程幾秒就玩完，不過一邊俾拖拉機拖行，路軌同過山車嘅安全措施又差，玩完死唔去都算大命。跳轉睇片！