蘇玉華及潘燦良今日去到新城電台，宣傳嚟緊6月喺藝術中心上演嘅舞台劇《謊言The Truth》。阿蘇話之前首演已經做過25場，一票難求，今次再演18場，阿蘇話：「成績感到安慰，齣劇喺本屆舞台劇頒獎禮，獲6項提名，當中4個演員全部都獲提名，劇本精彩，希望可以再進一步。」
今次重演，阿蘇話劇本一樣，但節奏可以再調整，嚟緊佢哋兩個都會出席舞台劇頒獎禮，蘇玉華直言，冇信心獲獎，佢話：「對手好強，不過舞台劇頒獎禮好似開party咁，大家都會有好好反應，仲諗緊常日着咩衫出席。」潘燦良表示，今次劇目已非常熟悉，所以將會喺開騷前3個星期才全力投入綵排
