韓劇《繼承者們》嘅28歲女星朴信惠形象健康，所以深受廣告商歡迎。
近日朴信惠再接到新廣告，某床上用品品牌近日簽咗朴信惠做旗下公司用品嘅代言人，今次係廣告商事隔5年後起用新代言人，之前廣告商一直用金泰希代言產品，金泰希由2012年開始已擔任代言人，其代言嘅被子更被稱為「金泰希被子」，一直深受消費者喜愛。
朴信惠今次能夠取代金泰希成為代言人，廣告商方面指由於朴信惠嘅形象集健康、高貴及年輕於一身，同品牌十分相配，所以最終選咗朴信惠做新一任代言人。而朴信惠嘅代言照近日亦已曝光，當中朴信惠仲大晒美腿，瞓喺床上擺出誘人甫士，令粉絲都大讚佢性感又漂亮。
 朴信惠個甫士幾誘人 |  |  金泰希之前一直係代言人 |
