劉德華原本喺上年喺紅館舉行跨年演唱會，不過因為喺泰國拍廣告不慎墮馬受傷，跨年演唱會同大陸演唱會要全部煞停。fans當時真係好失望，不過依家係機會喇，今年可以睇到劉德華開演唱會喇。


7年冇喺香港開演唱會嘅劉德華，今日宣佈會喺今年年底嘅聖誕、跨年檔期，喺紅館開演唱會，而呢個演唱會仲係劉德華世界巡迴演唱會嘅啟動，之後喺2019年就會開始巡迴。