社交網Instagram公佈日本藝人今年成績，並舉行「#MVI（Most Valuable Instagrammer in Japan）2017」向深受網民歡迎嘅日星作表揚。


重磅女星渡邊直美冧莊再封當地Ig女神，以738萬追隨者拋離有485萬人follow嘅水原希子，而Rola、木下優樹菜、佐佐木希則順序打入前五名。


至於今年離巢尊尼事務所嘅前SMAP成員香取慎吾，過檔後即同舊公司大唱反調，熱心透過社交網保住人氣，其Ig啟用三天已破100萬人追隨，威到獲大會頒發今屆新增嘅熱門組別殊榮，香取捧獎講得獎感受：「開始咗Instagram，每一天都過得好開心，係一個知識世界，多謝呢個世界！」





重磅女星渡邊直美冧莊再封當地Ig女神。渡邊直美不時公開搞笑照片。
其Ig擁有738萬追隨者。香取慎吾離巢後透過社交網保住人氣，獲頒發新增嘅熱門組別殊榮。