韓流始祖裴勇俊近年鮮少公開露面，前年佢跟女星朴秀珍結婚後，裴勇俊更係專心於家庭生活，加上二人去年10月榮升父母，現時朴秀珍再度懷孕，裴勇俊似乎想陪家人多啲。
近日就有日本傳媒報道裴勇俊近況，指佢係成功兼顧演藝事業及事務所嘅代表，最新統計裴勇俊資產高達152億日圓（約10.5億港元），就算即將迎接第二個BB嘅佢，都可以跟老婆朴秀珍過著無憂無慮嘅富豪生活。
報道又指裴勇俊於家中設置相當華麗嘅BB房，而且幾乎每星期都於家中開派對，裴勇俊更會親自下廚。朴秀珍不時於Instagram公開煮嘢食嘅相，相信係跟裴勇俊一齊準備派對。
另外，裴勇俊除咗係事務所老闆外，於夏威夷亦買下咖啡園，準備開發自己嘅咖啡品牌。
 |  有指裴勇俊每星期都開派對 |  朴秀珍不時於Instagram公開煮嘢食嘅相 |
 朴秀珍目前陀緊第二胎，二人將迎接新家庭成員。 |
